Guinimikea Unipessoal Lda Asina Kontratu ho RAEOA atu Reabilita Edifísiu Eskola iha Oé-Cusse


Oé-Cusse, 9 Jullu 2025 – Kompanhia Guinimikea Unipessoal Lda ofisialmente asina kontratu ida ho Região Administrativa Especial de Oé-Cusse Ambeno (RAEOA) atu halo servisu reabilitasaun ba edifísiu eskola iha EBF Salas de Aula iha Nopai Suco Cunha, Pante Macassar. Kontratu ne’e sai hanesan parte husi esforsu governu atu hadia infraestrutura edukasaun iha rejiaun. 

Kontratu públiku ne’e liga servisu execução de obras atu reabilita fasilidade eskola ne’ebé sei kontribui ba hadia kondisaun aprendizajen ba estudante sira iha Oé-Cusse. Projetu ne’e implementa liu husi Sekretaria Regional ba Edukasaun no Assuntu Sosiais (SREAS) RAEOA.

Segundo dokumentu kontratu, valór total projetu hamutuk ho USD 47,998.73, no servisu konstrusaun ne’e planeadu atu remata iha periodu fulan 5, hahú husi 14 Jullu 2025 to’o 15 Dezembru 2025.

Presidente Autoridade RAEOA, Sr. Rogério Tiago de Fátima Lobato, asina kontratu ne’e nudar reprezentante governu rejional, no Sr. Mitnick Guilherme Soares, Administrador Guinimikea Unipessoal Lda, asina nudar parte adjudikatária.

Projetu reabilitasaun eskola ne’e esperadu atu lori benefísiu boot ba komunidade lokal, liu-liu atu kria ambiente edukativu ne’ebé di’ak liu ba estudante sira no haforsa dezenvolvimentu rekursu umanu iha RAEOA.

Ho implementasaun projetu ida ne’e, Guinimikea Unipessoal Lda reafirma nia kompromisu atu kontribui ba dezenvolvimentu infraestrutura no edukasaun iha Timor-Leste, liu husi servisu konstrusaun ne’ebé profissional, efisiente no ho padraun qualidade di’ak.

Comments

Post a Comment

Popular posts from this blog

Ceremonia entrega projeto Rehabilitasaun EBF Noapai

Image
 Iha loron 8 de Outubro 2025, Companhia Guinimikea Lda, halao ceremonia entre Projeto Rehabilitasaun Sala 3 Escola Basica Filial Nopai ba iha Owner Project mak Dirasaun Edukasau Regional Oecusse, iha discurso abertura husi Diretor Companhia Guinimike Lda, informa katak projeto nee hahu iha loron 15 de Julho no remata iha 16 de setembro quase besik fulan 2 significa katak projeto halo ho lalais no ho qualidade nebee diak tebes tamba detalhu husi projeto sempre iha acompanhamento husi tecnico husi DRES no DRI RAEOA, iha discurso husi Diretor Regional Edukasaun RAEOA elogio capacidade companhia mak halo trabalho lais tebes no ho qualidade nebee diak tebes, ceremonia taka ho bensaun husi Amo Paroquia Padiae, no halo merenda hamutuk.
Read more

Perfil

Image
  Perfil Guinimikea Unipessoal Lda hanesan kompanhia  ida ne’ebé kompromete atu kontribui ba dezenvolvimentu nasional Timor-Leste no, ema, ba progresu Região Administrativa Especial de Oé-Cusse Ambeno (RAEOA) tamba hari’i husi ema Timor oan neb’e hakarak apoio programa desenvolvimento nacional husi governo nian. Baseado iha Plano Estratégico de Desenvolvimento Nacional (PEDN) 2011-2030, Plano XI Governo Constitucional, no Plano de Desenvolvimento RAEOA, kompanhia ne’e hahu ho objetivu atu promove kresimentu ekonomiku sustentavel, dezenvolvimentu infrastrutura, no fortalesimentu kapasidade lokal liu husi projetu sira ne’ebé inovativu no inkluzivu. Ho fokus iha administrasaun, finansas, konstrusaun, no logístika, Guinimikea tau matan ba suporta objetivu nasional sira hanesan redução pobresa, diversifikasaun ekonomia, no integrasaun sosial, hanesan pilar sira ne’ebé defenido iha PEDN, inklui pilar sira hanesan Governu, Ekonomía, Servisu Públiku, no Sosiedade Justa. Motto "Hadia ...
Read more