Discurso Diretur Companhia Guinimikea Unipessoal, Lda

Exelentissimo Senhor Presidente Autoridade RAEOA, Eng Regio da Cruz Salu ou nia representante;
Exelentissimo Senhor Diretur Reijionál Edukasaun e Solidariedade Social, Sr. Vicencio Cono;
Exelentissimo Senhor Diretur Reijionál Infraestrutura;
Exelentissimo Senhór Diretur Aprovisionamentu;
Exelentissima Senhora Coordenadora Escola Filial EBF NOAPAI ou nia representante;
Exelentissimos Senhores Profesores no Professoras EBF Noapai;
Autoridade lokál sira, Membro komunidade edukativa, no Konvidadu sira hotu;

Senhór no Senhora sira boa tarde ba ita hotu!

Ohin ita organiza atividade ida ne’e ho nia objetivu atu entrega ofisiál ba projetu Rehabilitasaun Eskola Filial Noapai, Suco Cunha, Munisipiu Oe-Cusse Ambeno.
Projetu ida ne’e, nanan tender husi Companhia Guinimikea Unipessoal Lda, iha nia implementasaun mak halo rehabilitasaun total ba sala aula tolu (3), ho orçamentu total USD 47.998,73 (Quarenta sete mil e nove centos e noventa e oito virgula setenta e tres centavos). Servisu konstrusaun hahú iha loron 15 fulan juli 2025 no remata ho susesu iha loron 16 fulan-setembru 2025. Projetu ne halo ho Total loron 63 (loron nenulu resin tolu deit sura ba mais ou menos fulan 2), ho garantia kualidade téknika no tuir padraun nebee fo husi dono do projeto estabelece ona.
Projetu ne’e planea atu remata iha fulan 5, maibé ho esforsu hamutuk ami konsege finaliza iha fulan rua de’it, ne’ebé hatudu efisiénsia no dedikasaun ba jestaun profesional.

Senhór no Senhora sira,

Permiti ha’u hat’o katak Companhia Guinimikea Unipessoal Lda mak kompanhia Timor-oan e oecusse oan nian, no halo servisu ho dedikasaun boot iha area administrasaun, finansas, konstrusaun no lojísitika, ho lema:

“Hadia Futuru ho Progresu Sustentavel”.

Senhór no Senhora sira,

Permiti ha’u hato’o katak Companhia Guinimikea Unipessoal Lda mak kompanhia Timor-oan e oecusse oan nian, no halo servisu ho dedikasaun boot iha area administrasaun, finansas, konstrusaun no lojístika, ho lema:
“Hadia Futuru ho Progresu Sustentavel”.

Senhór no Senhora sira,

 Nune’e iha biban ida ne’ ami  hakarak hato’o obrigadu boot ba:

• Direção Aprovisionamentu, ne’ebé fó suporta ba prosesu kontratasaun;
• Direção Rejionál Obras Públicas, ne’ebé fó acompanhamentu no supervizaun ba implementasaun projetu;
• no liu-liu ba técnicos husi Direção Rejionál Educação, ne’ebé durante prosesu servisu husi hahú to’o remata, acompanha obra ida ne’e ho profisionalismu boot, hodi garante kualidade, transparénsia no efisiénsia.

Ha’u mos la haluha atu hato’o obrigadu ba komunidade iha área projetu nian, ne’ebé fó toleránsia no suporta prosesu konstrusaun. Agradece mos ba badaen sira, ne’ebé halo servisu ho profisionalismu boot; ba supervisor sira, pesoál tékniku sira, no manager projetu Sra. Luísa da Cunha (Hau nia mae), ne’ebé sempre akompanya projetu husi hahú to’o remata. Tanba ita boot sira hotu nia kbiit, projetu ida ne’e hetan susesu iha tempu badak liu.

Senhór no Senhora sira,

Hodi naran Companhia Guinimikea Unipessoal Lda, ha’u hato’o obrigadu ba konfiansa husi Direção Rejionál Edukasaun RAEOA, Direção Aprovisionamentu, Direção Rejionál Obras Públicas, técnicos edukasaun sira, autoridade lokál sira, komunidade Noapai, no apoiu boot husi ami nia equipa nian projetu nian.

Husi Ami nia Companhia mos se oferese Biblioteca Digital ida hodi utiliza ba apoio prosesu aprendijajem iha escola ida nee nian. Ami espera katak iha futuro Diresaun Edukasaun se continua tau fiar nafatin ami nia Companhia hodi bele continua apoio iha area construsaun nian.

 Dala ida tan obrigadu barak ba ita boot sira nia konfiansa, mai ami nia companhia.

Obrigado barak ba ita hotu nia presensa.

Oecusse, 8 de Setembro de 2025

 

Diretur Companhia Guinimikea Unipessoal, Lda

Mitnick Guilherme Soares